تعالوا احكيلكوا تجربة شخصية عن التوحد ...
تجربة خاصة جدا ... مؤلمة فى نفس الوقت..... مرهقة جدا لمن حوله........
حكايتى مع التوحد ابتدت بأن حد قريب جدا ليه كان متفاعل مع كل اللى حواليه ويتمتع بقدر من الجرأة عند الطفولة....يتعامل بحرية مع كل المحيطين به.... انفتاح وانطلاق وجرأة وحيوية بالغة فى التعامل حتى مع الغرباء.... طفل غير خجول وغير منطوى على الاطلاق.....وفجأة وبدون اى مقدمات اصبح الطفل خجول لأقصى درجة لا يتعامل مع الغرباء تماما ناهيك عن التاعمل مع اقرب الاقرباء.... بحذر وشىء من الخوف....
ذاك الطفل ظل يكبر ويكبر وتكبر معه مخاوفه من اى جديد ....او شخص غريب كان او موقف يتعرض له.....كان ينزوى بعيدا فى مواجهة اى شخص او موقف .
تعرفوا للاسف كمان فضلت المشكلة دى تأثر عليه لدرجة اصبح منطوى لا يستطيع مواجهة اى موقف سهل كان ام صعب.... درجة ذكاؤه كمان اتاثرت وتركيزه صفر وقدرته على الاستيعاب بصعوبة جدااااااا.
مع ذلك دخل كلية من كليات القمة وكان التحصيل بدرجة عالية من الصعوبة ولكن ده كان التحدى الأكبر بالنسبة له.... اتحدى نفسه وتفوق وذاكر واجتهد واتعلم لعبة رياضية واخد درجات التفوق الدراسى.... وكانت الدراسة فى الكلية هى العقبة الكبرى فى حياته.
بسبب انطوائه وخجله فاتت عليه فرص كتير ولكن بتوفيق من الله وعزمه واصراره واجتهاده حاول وحفر فى الصخر واستمر ونجح بفضل الله... كان دايما بيشوف نفسه اقل من اصحابه بالمقارنة بيهم فى حاجت كتير اهمها انه ليه مش زيهم ؟؟؟؟ ليه مش ذكى ؟؟؟ ليه مش زهنه حاضر ؟؟؟ ليه مش بيركز زيهم؟؟؟!!!!
طرق كل الأبواب وسلك كل الطرق عشان يوصل وما يحسش بأى فرق بينه وبين اقرانه....الصعوبة الأكبر اللى كانت بتقابله هيه انه كل اللى حواليه كانوا مش فاهمينه وبيعاملوه على انه شخص طبيعى زيهم وده كان ميزة وعيب فى نفس الوقت.... ميزة لأنه كان عاوز دايما مايحسش بالنقص بين اقرانه او انه اقل منهم وعيب لأنه اى تصرف غريب كان بيصدر منه كان بيتفهم غلط وممكن يتاخد منه موقف كمان ويتظلم بالشكل ده لأنه غصب عنه مش طبيعى بشكل كامل وخصوصا انه كانت نسبة التوحد عنده غير ملحوظة الا مع التركيز على مجمل تصرفاته من قبل اصدقاؤه المقربين او اقرباؤه.
الصعوبة الأكبر كانت بتقابل اهله كانوا زى اى اسرة ماعندهمش المعلومة الكافية عن الحالة وكمان كان الموضوع جديد فى الوقت ده فده اثر عليه اكتر وعلى حالته النفسية كان دايما الأسرة بتوبخه وشايفه انه مش طبيعى وحالته تسوء اكتر لأن مش فى ايده اى حاجة يعملها عشان يغير من نفسه ولكن يمكن ده كان الدافع الأكبر له للتغيير....وكمان كان بيطلب منه تطلعات اكبر من قدراته وده يهد اكبر جبل لكن برده كان دايما بيحاول يكون افضل ويثبت لنفسه ولغيره انه مش اقل من اى حد.....
الخلاصة ان النجاح قرار .... اختيار ... تقدر تنجح لو عاوز مهما كنت العقبات قدامك حاول وحاول وحاول بصدق واجتهاد هاتوصل بأذن الله...
Post a Comment