شفنا الموت بعينينا....😓😓... اه والله زى مابقولك كده
امبارح حصلنا موقف لاول مرة فى حياتنا .😔.... كنا مسافرين الصعيد والطريق فى المتوسط يستغرق حوالى 7 ساعات من القاهرة ....جهزنا الشنط وكل حاجة وظبطنا نفسنا على معاد السفر وكانت معانا التذاكر وكل شىء عادى والحمد لله... وصلنا لمكان الباص ومستعدين نركب ونبتدى رحلتنا.... توكلنا على الله ومعانا ولادنا 👫.....ركبنا الباص وبدا يتحرك وقولنا دعاء الركوب .... وبدأ السواق يمشى وخلاص لحد كده كل حاجة مستقرة وتمام..👌..بدأنا نروح فى النوم والدنيا هدوء والطريق الصحراوى زى ماكلنا عارفين فاضى ومظلم.... وفجأة وانا فى عز النوم شميت ريحة شياط😷.... ايوة والله حاجة بتتحرق..💥 فى البداية شكيت وتوقعت ان الريحة دى جاية من بره الباص والغريبة ان كل الركاب كانوا نايمين وماحدش حس بحاجة.... وشوية وبدأت الريحة تزيد وتزيد 💨والولاد وجوزى نايمين ولكن كان بعض الناس بدأوا يصحوا على الريحة زيي.... لحد هنا الموضوع كان مجرد شك لحد ما واحد من الركاب حس بالخطر😨 وجرى يبلغ السواق باللى حصل.... فى اللحظات دى اللى هيه فعلا لا تتعدى اللحظات ...كان الدخان ابتدى يزيد فى الباص وكل ده وانا خايفة اصحى الولاد وباباهم وافزعهم وكل اللى جوايا مجرد شكوك... ولكن فجاأة كل جاجة اتغيرت...😖 بعدها بربع ساعة فضل السواق ماشى والريحة بتزيد وبدأت اتخنق وكل اللى فى بالى انه مش عارف يوقف الباص بسبب ان اللى بيتحرق ده كان تيل الفرامل ... والخوف جوايا يزيد وضربات قلبى صوتها يعلى .... وبدأت كل الناس تصحى وحالة من الزعر سادت المكان .... وساعتها بس وقف السواق الباص وتحول الموقف لأشبه ما يكون بالفيلم الأكشن 👊....بس الفرق المرة دى اننا جوه الفيلم وعايشين وشايفين كل احداثه لايف...بدأ السواق بصوت مذعور وملامح الخوف على وجهه 😟يقول : انزلوا بسرعة اخلوا الباص .... وفجأة كل الناس بدأت تجرى وانا بصحى الولاد وعن كمية الرعب والخوف اللى انتابتنا وقتها والمشهد ما خدش اكتر من ثوانى معدودة ....وكنا وكل الركاب فى الطريق الصحراوى بولادنا بردانين وخايفين ومترقبين ان الباص ممكن ينفجر فى اى لحظة وجرى كل الركاب حاولوا يساعدوا السواق فى اطفاء النار💦 فى الباص....واحنا واقفين على جنب الطريق على بعد 30 متر من الباص واقفين منتظرين مصيرنا فى عز البرد والخوف😥 وسط صحرا من كل جانب وعلى مرمى البصر.... وتمر بنا كل السيارات بسرعة جنونية على طريق سريع لا يقف فيه اى مخلوق للمساعدة...كل ما كان يشغلنى وقتها فضل الله علينا ورحمته بينا بعد ما عرفنا اننا لو انتظرنا 5 دقائق اكثر بداخل الباص لكان انفجر وتفحم ونحن بالداخل ... انقذتنا العناية الاالهية💓بفضل الله ورحمته....
💁كل اللى كنت بفكر فيه وقتها ان الدنيا دى ولا حاجة خصوصا انى قبلها بكام يوم كان حصلى موقف ضايقنى فى شغلى 😔وكنت فى قمة القهر والحزن من ظلم وافتراء وقع على....فكأن الله يثبت لنا دوما وبالدليل القاطع ان الدنيا دى ولا حاجة وكمان صحتنا وحياتنا احنا وولادنا اهم من اى حاجة 👍وكل حاجة بعد كده مالهاش اى لازمة...
💓الحكمة انك تعمل اللى عليك وتتوكل على الله ولا تشغل باك بأى شىء اخر فالله يدبر لك امرك ويفرج همك.😊....ويرزقك من حيث لا تحتسب وبنجيك من اى حزن او كرب فليس هناك اهم من حياتك وحياة من حولك من احبتك....احبكم فى الله👋💓
دمتم فى رعاية االله...
Post a Comment