أقولكم الفرق ؟
- الرسول كان بيقولها " يااعائش " تدليل ليها ، وهو بيكتبها " الحكومة " ، " ام العيال "
- الرسول يوم مالسيدة عائشة غارت ورمت طبق الأكل من الغيظ ، فهم ان " لا تدرى الغيراء اعلى الوادى من اسفله " وقال غارت امكم ، بس هو كان هيقولها انتى نكدية وخنيقة وازاى ترمى النعمة كده ع الأرض !!
- لما السيدة صفية كانت هتركب البعير ، قعد ع الأرض علشان تقف على ركبيته وتطلع ، نبى الأمة قعد قدام الناس كلها علشان زوجته تقف على ركبته برجليها ، بس هو بيتكسف يمشى ماسك ايد مراته ف الشارع
- كان بيسابق السيدة عائشة رغم مشاغله ، بس هو مبيخرجهاش علشان هو مش فاضى وبيجى تعبان من الشغل وبينقذ طبقة الاوزون وهيحرر القدس
- لما زوجاته اتفقوا عليه علشان ميروحش لزوجة فيهم بتأكله العسل وهو بيحبه وفهموا الرسول ان العسل بيعمل ريحة مش حلوة ، وقف أكل العسل من غير تفكير رغم حبه فيه لحد مااربنا أنزل " ياأيها النبى لما تُحرم ماأحل الله لك ؟ " ، بس هو بيشوفها عاوزة ايه علشان يعمل عكسه ، علشان هو سبع الرجال ومينفعش مراته تقوله يعمل ايه وميعملش ايه
- لما سألوه عن أحب الخلق ليه ، قال قدام الصحابة كلهم " عائشة " ، بس هو بيكتب الآنسة " H " ف كارت الفرح ، علشان هو بيغير وعنده نخوة الولد انما زوجته ترقص ف الفرح عادي
- الرسول مرفعش إيده ع إمرأة قط
الضرب المذكور ف القرآن ، دا حل تانى مش أول
" غير مؤذى ، غير مدمى ، غير موجع ، ولا يترك علامة "
يعنى لأصحاب العقول ضرب رمزى ، الرسول كان بيضرب بعود السواك ، والعلماء قالوا كده
فاللى تقبل إن رجل كنبة يرفع ايده عليها لمجرد انه متعصب وتسكت ، يبقى تستاهل والله " اوعى تنسى إنك بشر ، الكلمة بتوجعك ، مابالك بالضرب "
- الرسول لما كان بيعدد ، كان بيتجوز الارملة والمطلقة واللى أسلمت وهاجرت كستر عليهم ، بس هو فاكرها لعبة لمجرد ان ربنا حلله الموضوع
الست مراية للتصرفات اللى بتاخدها ، بتعكس اللى بتاخده ، لاقيت نكد ؟ اعرف ان العيب فيك
مفيش ست ف الدنيا كلها هتتعامل حلو وتاخد اهتمام وحب وتبقى نكدية ، احنا فطرتنا مش كده
مسمهاش زوجات الرسول كانوا بيعاملوه ازاى ؟ اسمها سيدنا النبى كان بيعامل زوجاته ازاى ؟ "!💙
" صل الله وسلم على نبينا محمد وعلى آله وصحبه أجمعين وسلم تسليما كثيرا "
رزقكم الله ازواجاً أنقياء كحبيبي رسول الله وزوجاته 🌻
Post a Comment